Wel, roedd tipyn o welliant ddoe: daeth Y i'r eglwys, a rhoddodd £100 mwy i mi - yn gyfeillgar iawn ei hagwedd, a dweud bod neges ebost i esbonio. Doedd yr esboniad ddim yn glir iawn, a pham na wnaeth hi gysylltu neu ateb y neges a anfonais nos Iau cyn 'ny?
Er yr ymdrech i dalu rhai o'r arian yn ôl, dw i'n dal i deimlo'n siomedig - mae'r chwerwdeb wedi mynd, ond dw i'n gwybod na fydda i byth yn cael fy nhwyllo ganddi eto.
A hithau'n dweud ei bod hi'n awyddus ymuno â gwasanaeth er cof fy chwaer - dim gobaith. 'Falle, dyna'r broblem - yn debyg iawn i'm chwaer yn y ffordd mae wedi fy nhrin - mae fy mrodyr wedi gwneud yr un peth mwy nag unwaith hefyd - ond mae'r label dwpsin a oedd arna i'n mynd i ddiflannu am fyth - sa i'n teimlo ar hyn o bryd mod i'n gallu ymddiried yn neb. Gobeithio i'r teimlad diflannu cyn bo hir, oherwydd mae'n effeithio ar bopeth yn fy mywyd, a dyw hynny ddim yn iachus.
No comments:
Post a Comment